Xarici xəbərlər
İran Yaxın Şərqdə ABŞ və İsrail universitetlərini hədələyib
İranın İslam İnqilabı Keşikçiləri Korpusu (SEPAH) Yaxın Şərqdə yerləşən ABŞ və İsrail universitetlərinə qarşı mümkün hücumlarla bağlı sərt bəyanat yayıb.
Crossmedia.az bu barədə xarici mediaya istinadən xəbər verir.
Bəyanat Tehran Elm və Texnologiya Universitetinə edilən hücumdan sonra verilib. SEPAH bildirib ki, İran universitetlərinə qarşı hücumlara cavab olaraq bölgədəki bəzi təhsil müəssisələri “qanuni hədəf” hesab edilə bilər.
Qurumun açıqlamasında qeyd olunub ki, əgər İran universitetlərinə hücumlar davam edərsə, regiondakı ABŞ və İsrail universitetləri də cavab zərbələrinə məruz qala bilər.
SEPAH bölgədə fəaliyyət göstərən Amerika universitetlərinin əməkdaşlarına, müəllim heyətinə və tələbələrinə təhlükəsizlik məqsədilə bu obyektlərdən ən azı 1 kilometr uzaq durmağı tövsiyə edib.
Eyni zamanda bildirilib ki, ABŞ hökuməti vəziyyətin gərginləşməsinin qarşısını almaq istəyirsə, Tehran vaxtı ilə martın 30-u günorta saatlarınadək İran universitetlərinə edilən hücumları rəsmi şəkildə pisləməlidir.
17:22 29.03.2026
Oxunuş sayı: 64
