Tramp İrandan kapitulyasiya tələb etdi
ABŞ Prezidenti Donald Tramp İrandan qeyd-şərtsiz kapitulyasiya tələb edib.
Crossmedia.az xəbər verir ki, o, bu barədə özünün Truth Social hesabında paylaşım edib.
Tramp bildirib ki, İranla heç bir saziş olmayacaq və yeganə variant sərhədsiz kapitulyasiyadır. Onun sözlərinə görə, İranda “böyük və məqbul liderin (və ya liderlərin)” seçilməsindən sonra ABŞ və müttəfiqləri ölkənin bərpası üçün çalışa bilər.
“İranla heç bir saziş olmayacaq – sərhədsiz kapitulyasiyadan başqa. Böyük və məqbul liderin seçilməsindən sonra bizim çox cəsur müttəfiqlərimiz və tərəfdaşlarımız İranı məhv olmağa yaxın vəziyyətdən çıxarmaq, onu iqtisadi cəhətdən əvvəl heç vaxt olmadığı kimi daha böyük, daha yaxşı və güclü etmək üçün yorulmadan çalışacaqlar”, – deyə Tramp paylaşımında qeyd edib.
ABŞ prezidenti həmçinin əlavə edib ki, İranın gələcəkdə böyük potensialı var və ölkənin “möhtəşəm gələcəyi” ola bilər.
18:48 06.03.2026
Oxunuş sayı: 567
