İran prezidenti Məsud Pezeşkian bölgədə artan gərginlik fonunda bəzi ölkələrin vasitəçilik təşəbbüsləri ilə çıxış etdiyini açıqlayıb.
Crossmedia.az bu barədə xarici mediaya istinadən xəbər verir. Prezident bu barədə sosial şəbəkə platforması X (Twitter) hesabında paylaşım edərək bildirib ki, İran sülh tərəfdarıdır, lakin ölkəsinin maraqlarını qorumaqda qətiyyətlidir.
“Bəzi ölkələr vasitəçilik təşəbbüslərinə başlayıb. Onlara cavabımız aydındır: Biz bölgədə davamlı sülhə sadiqik, ancaq ölkəmizin ləyaqətini və nüfuzunu müdafiə etməkdə heç bir tərəddüd etmirik”, – deyə prezident qeyd edib.
Məsud Pezeşkian paylaşımında əlavə edib ki, vasitəçilik təşəbbüsləri “İran xalqını qiymətləndirmədən münaqişəni başlayan tərəflərə” yönəlməlidir.
