Bu gün Atom Enerjisi üzrə Beynəlxalq Agentlik (AEBA) İranın Nətənz yeraltı nüvə obyektinin giriş hissəsinə zərbə endirildiyini təsdiqləyib.
Crossmedia.az xarici mediaya istinadən xəbər verir ki, agentliyin açıqlamasına görə, mövcud olan ən son peyk görüntüləri Nətənzdəki obyektin giriş binalarına müəyyən ziyan dəydiyini göstərir. Lakin yeraltı zənginləşdirmə obyektinin özündə radioloji nəticələr gözlənilmir və əlavə təsir qeydə alınmayıb.
AEBA məsələ ilə bağlı sosial şəbəkədə paylaşım edərək vurğulayıb ki, 12 günlük zərbə zamanı Nətənz nüvə obyektinin daxilində radiasiya riski müşahidə olunmayıb.
Bundan əvvəl İran Atom Enerjisi Təşkilatının rəhbəri Məhəmməd Eslami Nətənz nüvə obyektinin iki raket hücumuna məruz qaldığını açıqlamışdı.
