Xarici xəbərlər
Macarıstan Baş naziri: Müharibədə iştirak etməyəcəyik
Orban Volodimir Zelenskiyə məktub göndərərək Ukraynanı ittiham etdi.
Crossmedia.az xəbər verir ki, Macarıstanın Baş naziri Viktor Orban Ukrayna Prezidenti Volodimir Zelenskiyə açıq məktub dərc edərək Kiyevə qarşı bir sıra ittihamlar səsləndirib.
Orban iddia edib ki, Macarıstanı Rusiya-Ukrayna müharibəsinə cəlb etmək cəhdləri edilir və Kiyev ilə Brüssel Macarıstan müxalifətini dəstəkləməklə apreldə keçiriləcək parlament seçkilərinə təsir göstərməyə çalışırlar.
Baş nazir həmçinin Ukraynanı Drujba neft kəmərini qəsdən bağlamaq və ölkənin enerji təhlükəsizliyinə zərər vurmaqda ittiham edib.
Orban məktubunda qeyd edib:
"Biz macarlar Ukraynanın bu vəziyyətdə qalması ilə bağlı heç nə edə bilmərik. Biz Ukrayna xalqına rəğbət bəsləyirik, amma müharibədə iştirak etmək istəmirik. Biz hərbi əməliyyatları maliyyələşdirmək və artıq enerji üçün pul ödəmək istəmirik. Sizi dərhal Drujba boru kəmərini açmağa və Macarıstanın enerji təhlükəsizliyinə qarşı növbəti hücumlardan çəkinməyə çağırıram!"
13:07 26.02.2026
Oxunuş sayı: 848
