Şimali Koreya lideri sərt danışdı
Şimali Koreya ABŞ ilə münasibətləri normallaşdırmağa hazırdır, lakin bunun Vaşinqtonun mövqeyindən asılı olduğu bildirilir.
Crossmedia.az xəbər verir ki, bu barədə Şimali Koreya lideri Kim Çen İn açıqlama verib.
O bildirib ki, ölkəsi ABŞ ilə istənilən qarşıdurmaya tam hazırdır və Vaşinqtona qarşı siyasətində qəti və dəyişməz mövqeyini qoruyacaq. Bununla yanaşı vurğulayıb ki, əgər ABŞ Koreya Xalq Demokratik Respublikasının – Koreya Xalq Demokratik Respublikası – Konstitusiyada təsbit olunmuş mövcud statusuna hörmət etsə və Pxenyana qarşı düşmən siyasətdən imtina etsə, iki ölkə arasında münasibətlərin yaxınlaşdırılması üçün heç bir maneə qalmayacaq.
Qeyd edək ki, bu açıqlama fevralın 19-dan 25-dək keçirilmiş Koreya Fəhlə Partiyasının 9-cu Qurultayında səsləndirilib.
Turqut Ansari
10:20 26.02.2026
Oxunuş sayı: 491
