İran və Ermənistan hərbi əməkdaşlığı dərinləşir
İranın İrəvandakı səfiri Xəlil Şirqulami ölkəsinin Ermənistanla yeni birgə hərbi təlimlər keçirə biləcəyini istisna etməyib.
Crossmedia.az xarici KİV-ə istinadən xəbər verir.
O, bildirib ki, bu təlimlər ötən ilin aprel ayında iki ölkənin sərhədində xüsusi təyinatlı qüvvələrin iştirakı ilə keçirilmiş manevrlərdən daha geniş miqyaslı ola bilər.
Səfir vurğulayıb ki, İran və Ermənistan arasında hərbi əməkdaşlıq inkişaf edir. Onun sözlərinə görə, tərəflər müdafiə sahəsində yeni istiqamətləri və planları müzakirə etmək niyyətindədirlər.
Diplomat sözlərinə əsasən, iki ölkə arasında müdafiə sahəsində qarşılıqlı əlaqə sərhəd xətlərinin dəyişməzliyi və ərazi bütövlüyü prinsiplərinə əsaslanır.
Səfir İranın İrəvandakı səfirliyinin qarşısında keçirilən etiraz aksiyalarına da münasibət bildirib.
Onun sözlərinə görə, Ermənistan hakimiyyəti məsələ ilə bağlı zəruri tədbirlər görüb və vəziyyət müvafiq orqanlar tərəfindən nəzarətdə saxlanılıb.
19:24 24.02.2026
Oxunuş sayı: 689
