BDU Corc Vaşinqton Universitetinin məktəbi ilə niyyət protokolu imzalayıb
Bakı Dövlət Universiteti (BDU) ilə ABŞ-ın Corc
Vaşinqton Universitetinin Ali Təhsil və İnsan İnkişafı Məktəbi arasında niyyət
protokolu imzalanıb.
BDU-dan Crossmedia.az-a
bildirilib ki, protokolda hǝr iki universitetin nǝzdindǝ olan fakültǝ, institut
vǝ kolleclǝrdǝ təlim-tədris prosesinin təkmilləşdirilməsi vǝ beynǝlxalq
standartlara uyğunlaşdırılması məqsədilə birgə layihǝlǝrin, konfrans, sərgi,
seminar, simpozium, qısamüddətli kursların, təlimlərin keçirilməsi, ortaq elmi
tədqiqatların aparılması nəzərdə tutulur. Həmçinin elmi jurnallarda birgə
nəşrlər, ortaq akademik proqramların, tədris planlarının və sillabusların
hazırlanması, təlimlərin keçirilməsi, akademik, inzibati heyətin, tələbə,
magistrant, doktorant və tədqiqatçıların mübadiləsi kimi məsələlər də niyyət
protokolunda öz əksini tapıb.
Sənədi BDU-nun rektoru Elçin Babayev və Corc Vaşinqton
Universitetinin Ali Təhsil və İnsan İnkişafı Məktəbinin dekanı Sevinc Məmmədova
imzalayıblar.
Qeyd edək ki, əsası 1821-ci ildə qoyulmuş Corc
Vaşinqton Universiteti ABŞ-nin nüfuzlu universitetlərindən biridir və QS Dünya
Universitetləri Reytinqində 358-ci yerdə qərarlaşıb.
18:46 26.09.2025
Oxunuş sayı: 5660
