Ali məktəblərdə IV ixtisas qrupunda dövlət sifarişi üzrə yerlərin sayı artırılıb
2025/2026-cı tədris ili üçün respublika ali təhsil müəssisələrinin IV ixtisas qrupunda Azərbaycan və rus bölmələri, hər iki bölmənin birgə müsabiqəsi üzrə tələbə qəbulu planı və dövlət sifarişi üzrə yerlərin sayı təqdim edilib.
Crossmedia.az xəbər verir ki, bu barədə DİM məlumat yayıb.
Məlumata görə 2025/2026-cı tədris ili üçün ali təhsil müəssisələrinin
IV ixtisas qrupuna Azərbaycan bölməsi üzrə 3617, rus bölməsi üzrə 360 plan yeri
nəzərdə tutulur. Hər iki bölmənin birgə müsabiqəsi üzrə tələbə qəbulu planı 755
olmaqla, IV ixtisas qrupu üçün ümumilikdə 4732 plan yeri ayrılıb. Bu yerlərdən
3578-nə qəbul isə dövlət sifarişi əsasında aparılır.
Xatırladaq ki, 2024/2025-ci tədris ilində ali təhsil müəssisələrinə IV ixtisas qrupu üçün 4600 plan yeri ayrılmış, həmin yerlərdən 3135-i dövlət sifarişi əsasında olmuşdu.
20:55 13.08.2025
Oxunuş sayı: 11496
