Rüstəm Nəcəfov: "Türkdilli dövlətlərin birgə xizək təlim mərkəzi yaradılacaq"
Türkdilli dövlətlərin birgə xizək təlim mərkəzi yaradılacaq.
Crossmedia.az xəbər verir ki, bunu Türkdilli Dövlətlərin Xizək Kurortları İttifaqının sədri Rüstəm Nəcəfov Türkdilli Dövlətlərin Xizək Kurortları İttifaqının 1-ci Sammitində deyib.
Onun sözlərinə görə, Türkdilli Dövlətlərin Xizək Kurortları İttifaqı təkcə tədbirlərin keçirilməsi üçün yaradılmış birlik deyil: "Yəni burada kurortlar arasında həm turistlərin cəlb olunması, həm “PR promotion” kampaniyasının həyata keçirilməsi üçün birgə fəaliyyət və iş birliyi yaradılır. Bizim üçün ən əsas məsələ böyük potensialı olan kurortların bir araya gələrək birgə təlim mərkəzini yaratmasıdır. Çünki bu, əlavə standartların yaradılmasına, dünya bazarında türk dövlətlərinin kurortlarının tanınmasına gətirib çıxaracaq".
O qeyd edib ki, hazırda bu istiqamətdə danışıqlar davam edir: "Təlimlər yəqin ki, Özbəkistanda başlayacaq. Bu, birgə təşəbbüs olacaq. Ola bilər ki, nəzəri təlimlər Özbəkistanda, praktiki təlimlər isə Azərbaycanda keçirilsin. Bu təşəbbüsü turizm universitetləri ilə də əlaqələndirmək istəyirik ki, iştirakçılar rəsmi diplomlar ala bilsin".
17:44 12.07.2025
Oxunuş sayı: 770
