Türk Dövlətləri Təşkilatının sammiti Budapeştdə keçiriləcək
Macarıstanın paytaxtı Budapeştdə 20–21 may tarixlərində Türk Dövlətləri Təşkilatının (TDT) növbəti sammiti keçiriləcək. Bu barədə TDT-nin Macarıstandakı nümayəndəliyinin icraçı direktoru Balaş Hendriks məlumat verib.
Crossmedia.az xarici mediaya istinadən bildirir ki, sammitdə Türkiyə, Azərbaycan, Özbəkistan, Qazaxıstan və Qırğızıstanın dövlət başçıları, həmçinin təşkilatın baş katibi və Türkiyə prezidenti Rəcəb Tayyib Ərdoğan iştirak edəcəklər. Toplantıda əsas müzakirə mövzusu türkdilli ölkələr arasında əməkdaşlığın dərinləşdirilməsi olacaq.
Sammit çərçivəsində üzv ölkələr arasında iqtisadi, siyasi və mədəni əlaqələrin inkişafı, o cümlədən regional və beynəlxalq məsələlər ətrafında fikir mübadiləsi aparılacaq. Təşkilatın gələcək fəaliyyət istiqamətləri və birgə layihələrlə bağlı qərarların qəbul ediləcəyi gözlənilir.
Budapeştdə keçiriləcək bu tədbir Macarıstan üçün də xüsusi önəm daşıyır. Qeyd edək ki, Macarıstan Türk Dövlətləri Təşkilatında müşahidəçi statusuna malikdir və son illərdə təşkilatla əlaqələrini gücləndirməyə çalışır.
Fatimə Nəbiyeva
13:15 17.05.2025
Oxunuş sayı: 17461
