"İsrailin Türkiyə və İranla münasibətləri normallaşdırması gün dəmdərdir" - RƏY
İsrail və Azərbaycan arasında diplomatik münasibətlərin möhkəmlənməsi fonunda mühüm bir hadisə baş verir – İsrail prezidenti Binyamin Netanyahu rəsmi səfərlə yaxın günlərdə Azərbaycana gələcək. Bu səfər iki ölkə arasında strateji tərəfdaşlıq, təhlükəsizlik, enerji və texnologiya sahələrində əməkdaşlığın genişləndirilməsi baxımından xüsusi əhəmiyyət daşıyır. Gözlənilən səfər çərçivəsində bir sıra yüksək səviyyəli görüşlərin və mühüm razılaşmaların imzalanacağı ehtimal olunur.
Bu barədə Crossmedia.az-a politoloq Əhəd Məmmədli açıqlama verib: "Əgər regionda diplomatik münasibətlərin qurulacağı bir mərkəz seçilməlidirsə, Azərbaycan bu rola ən uyğun ölkələrdən biri kimi çıxış edir. Çünki Azərbaycanın çoxşaxəli xarici siyasəti və müxtəlif ölkələrlə balanslı münasibətləri var. Beynəlxalq siyasətdə bir-biri ilə ziddiyyətdə olan ölkələrlə də Azərbaycan normal və konstruktiv əlaqələr qura bilib. Problemli ölkələrin demək olar ki, hamısı ilə Azərbaycan dostluq münasibətləri saxlayır. Bu da ölkəmizi regionda etibarlı tərəfdaş və diplomatik körpü rolunda tanıdır".
Politoloq qeyd edib ki, hazırda ABŞ-nin Prezidenti Donald Trampın region üzrə nümayəndəsi da bu məsələlərdə fəal iştirak edir: "Hətta Tramp administrasiyasında bu kimi beynəlxalq məsələlərdə əsas yük məhz onun üzərində idi. Baxmayaraq ki, formal olaraq departament rəhbərləri var, lakin real diplomatik fəaliyyətin böyük hissəsini Stiv Vitkof həyata keçirirdi. Bu gün də onun regiona səfəri gözlənilir və bu, onun sıx iş qrafikində Azərbaycana da xüsusi diqqət ayırdığını göstərir. Bu, təkcə şəxsi təşəbbüs deyil, həm də Tramp administrasiyasının maraqlarını əks etdirən bir addımdır".
Ə.Məmmədli bildirib ki, eyni zamanda, ABŞ və İran arasında danışıqlar aparılır, bir müddət öncə bu danışıqlar Omana baş tutmuşdu: "Bu fonda Türkiyə–İsrail, eləcə də İran–İsrail münasibətlərinin normallaşdırılması məsələsi gündəmdədir. Türkiyənin İsrailə öz hava məkanını açması və İsrail təyyarəsinin Bakıya səfər etməsi də bu kontekstdə diqqətçəkicidir. Bu addımların Türkiyənin təşəbbüsü ilə və Azərbaycanın da razılığı ilə baş verdiyi bildirilir. Bütün bu mənzərədən aydın görünür ki, Azərbaycan regionda getdikcə daha vacib, önəmli və güclü bir mövqe tutur. Bu həm Azərbaycanın öz milli maraqlarına xidmət edir, həm də dostluq etdiyi ölkələr arasında qarşıdurmanın qarşısını almağa yönəlmiş ağıllı diplomatik siyasətin nəticəsidir".
Zümrüd Əsədova
16:43 30.04.2025
Oxunuş sayı: 13835
