Xarici xəbərlər

Maratha fəalı Mumbayda aclıq aksiyası elan edib

Maratha fəalı Manoj Jarange iş və təhsil sahəsində Maratha icması üçün kvota tələbi ilə sentyabrın 19-dan Mumbaydakı Azad Maydanda müddətsiz aclıq aksiyasına başlayacağını açıqlayıb.

Crossmedia.az xəbər verir ki, bu barədə Jarange şənbə günü Antarvali Saratidə keçirdiyi mətbuat konfransında bildirib. O, sentyabrın 15-dən tərəfdarları ilə birlikdə Mumbaya yürüşə başlayacağını deyib.

Etirazçılar sentyabrın 15-də Bid bölgəsinin Patoda, 16-da Ahilyanaqarın Şriqonda, 17-də Punenin Hadapsar, 18-də isə Rayqadın Xopoli şəhərində dayanacaqlar. Daha sonra Navi Mumbaydakı Xoparkhayrane ərazisində düşərgə salaraq şəhərə daxil olacaqlar.

Jarangenin sözlərinə görə, yürüş iştirakçıları hər gün təxminən 100 kilometr məsafə qət edəcək və sentyabrın 19-da saat 10:00-da Azad Maydanda müddətsiz aclıq aksiyasına başlayacaqlar. Aksiya Mumbayda sentyabrın 14-dən 25-dək keçiriləcək Qaneşa festivalı ilə eyni vaxta təsadüf edir.

🖨 Çap et

23:56 12.09.2026

Oxunuş sayı: 55