Alimlər autizmin “xəritəsini” çıxardı: Müalicədə yeni üfüq
Alimlər süni intellekt və laboratoriyada yetişdirilən beyin modellərindən istifadə edərək autizmlə əlaqəli genetik dəyişikliklərin beyində necə təsir göstərdiyini göstərən geniş molekulyar xəritə hazırlayıblar.
Crossmedia.az xəbər verir ki, “CNN” bu barədə məlumat yayıb.
Tədqiqat zamanı autizm spektri pozuntusu ilə əlaqəli genetik mutasiyaların zülallar arasındakı qarşılıqlı əlaqələri necə dəyişdirdiyi araşdırılıb. Alimlər nəticədə autizmlə əlaqəli təxminən 1 800 zülal qarşılıqlı əlaqəsini müəyyən ediblər.
Tədqiqatın nəticələri “Science” jurnalında dərc olunub. Alimlərin fikrincə, hazırlanan xəritə autizmin altında dayanan molekulyar mexanizmlərin daha yaxşı anlaşılmasına və gələcəkdə daha hədəfli müalicə üsullarının hazırlanmasına kömək edə bilər.
Araşdırmanın müəlliflərindən biri, Kaliforniya Universitetinin San-Fransisko kampusunun professoru Nevan Kroqan bildirib ki, əldə edilən xəritə yeni dərmanların hazırlanması üçün bir sıra potensial istiqamətlər göstərir.
Tədqiqatçılar bununla belə, yeni müalicələrin hazırlanması və sınaqdan keçirilməsinin uzun illər tələb edə biləcəyini vurğulayırlar.
11:38 28.08.2026
Oxunuş sayı: 50
