KİV: İranın zərbələri ABŞ kəşfiyyat obyektlərinə tarixdə ən böyük zərəri vurub
İranın hücumları ABŞ-nin regiondakı kəşfiyyat obyektlərinə görünməmiş miqyasda ziyan vurub.
Crossmedia.az xəbər verir ki, NBC News bu barədə məlumat yayıb.
Məlumata görə, zərər görən obyektlər arasında Səudiyyə Ərəbistanının paytaxtı Ər-Riyadda yerləşən Mərkəzi Kəşfiyyat İdarəsinin (CIA) rezidenturası və İraqın Süleymaniyyə vilayətindəki ABŞ kəşfiyyat məntəqəsi də var.
Bundan başqa, regionun müxtəlif ərazilərində ABŞ xüsusi xidmət orqanları və hərbçiləri tərəfindən birgə istifadə olunan məxfi obyektlərə, radar sistemlərinə və müşahidə vasitələrinə də zərbələr endirilib.
NBC News-un məlumatına görə, münaqişə ərzində İran 2 mindən çox zərbə həyata keçirib və səkkiz ölkədə ABŞ-yə məxsus ən azı 20 dövlət obyektini hədəfə alıb.
Nəşr bildirir ki, dəymiş zərərin miqyası ABŞ kəşfiyyat qurumlarının indiyədək üzləşdiyi dağıntılardan daha böyükdür.
09:21 26.08.2026
Oxunuş sayı: 42
