Xarici xəbərlər

6 ildən sonra gözlənilməz dönüş – Harri və Meqanla bağlı yeni qərar

Şahzadə Harri və Meqan Markl kral ailəsindəki rəsmi vəzifələrindən imtina etdikdən altı il sonra Böyük Britaniyaya qayıtmağa hazırlaşırlar.

Crossmedia.az xəbər verir ki, “The Telegraph” bu barədə məlumat yayıb.

Məlumata görə, cütlük Kaliforniyadakı malikanəsindən artıq avqustun sonunda köçməyi planlaşdırır. Onların kral iqamətgahında deyil, Londonun kənarında yerləşən şəxsi evdə yaşayacağı ehtimal olunur.

Harri və Meqanın övladları – 7 yaşlı Arçi və 5 yaşlı Lilibet isə sentyabrdan etibarən Böyük Britaniyadakı məktəblərdən birində təhsil alacaqlar.

Bununla belə, cütlüyün kral ailəsinin üzvləri kimi rəsmi vəzifələrinə qayıtmaq niyyətində olub-olmadığı hələ məlum deyil. Onların nümayəndələri də Böyük Britaniyaya dönüşlə bağlı rəsmi açıqlama verməyiblər.

Mövzular:

Şahzadə Harri Meqan Markl Britaniya kral ailəsi Böyük Britaniya Sasseks hersoqları kral ailəsi London Kaliforniya

🖨 Çap et

14:44 20.08.2026

Oxunuş sayı: 58