Xarici xəbərlər

“Şirin” görünən yük böyük cəza: Konfetə görə 10 il həbs aldı

Rusiyanın Novosibirsk vilayətində məhkəmə Taylanddan tərkibində narkotik maddə olan konfet gətirən 25 yaşlı şəxsi 10 il 1 ay müddətinə azadlıqdan məhrum edib.

Crossmedia.az xəbər verir ki, "Lenta.ru" bu barədə məlumat yayıb.

Qərb Sibir Nəqliyyat Prokurorluğunun məlumatına görə, məhkum 2025-ci ilin oktyabrında Taylandın Pxuket adasından Rusiyaya narkotik tərkibli şirniyyatlar gətirib.

Məlumata əsasən, həmin şəxs tərkibində tetrahidrokannabinol (THC) olan konfetləri Pxuketdə alıb və şəxsi istifadə məqsədilə ölkəyə gətirmək qərarına gəlib.

Lakin gömrük yoxlaması zamanı o saxlanılıb və qadağan olunmuş şirniyyatlar müsadirə edilib.

Məhkəmə onu narkotik vasitələrin qaçaqmalçılığı və qanunsuz saxlanılmasında təqsirli bilib. Hökmə əsasən, o, cəzasını ciddi rejimli koloniyada çəkəcək.

🖨 Çap et

12:49 05.08.2026

Oxunuş sayı: 74