Putin daha çox məhkumu müharibəyə cəlb etməyə imkan verən qanunu imzalayıb
Rusiya Prezidenti Vladimir Putin Ukraynadakı müharibəyə cəlb oluna biləcək məhkumların dairəsini genişləndirən federal qanunu imzalayıb.
Crossmedia.az xəbər verir ki, bu barədə Rusiya KİV-lərinə istinadən məlumat yayıb.
Qanuna əsasən, Cinayət Məcəlləsinin bəzi maddələri üzrə məhkum olunmuş və ya istintaq altında olan şəxslər artıq Müdafiə Nazirliyi ilə müqavilə bağlayaraq hərbi xidmətə qəbul oluna biləcəklər.
Məlumata görə, qadağa siyahısından az ağır və orta ağır cinayətlər, həmçinin silah və partlayıcı maddələrin dövriyyəsi, təhlükəsizlik qaydalarının pozulması, bəzi hərbi və nəqliyyat cinayətləri çıxarılıb.
Bununla yanaşı, pedofiliya, terrorçuluq, dövlətə xəyanət, casusluq, diversiya, ekstremizm, hədə-qorxu ilə tələb etmə və dövlətə, eləcə də ictimai təhlükəsizliyə qarşı digər ağır cinayətlərə görə məhkum olunmuş və ya istintaq altında olan şəxslər üçün hərbi müqavilə bağlamaq qadağası qüvvədə saxlanılıb.
10:52 05.08.2026
Oxunuş sayı: 51
