Beynəlxalq Olimpiya Komitəsinin qərarı qalmaqal yaradıb
Beynəlxalq Olimpiya Komitəsinin (BOK) qərarı ətrafında qalmaqal yenidən alovlanıb.
Crossmedia.az bu barədə xarici mediaya istinadən xəbər verir.
Komitənin idmançıların hakimiyyətin addımlarına görə məsuliyyət daşımamalı olduqlarını əsas gətirərək verdiyi qərar Avropa və ABŞ siyasətçiləri, eləcə də bir sıra idman təşkilatları tərəfindən sərt tənqidlə qarşılanıb.
Estoniya rəsmi şəkildə Avropa Komissiyasına BOK-un Avropa İttifaqı tərəfindən maliyyələşdirilməsinin dayandırılmasını və təşkilatın Avropa dəstək proqramlarından çıxarılmasını təklif edib.
Ukrayna Milli Olimpiya Komitəsi qərarla qəti razılaşmadığını bəyan edib.
Latviyanın xarici işlər naziri Bayba Braje BOK-un addımını aqressiyanın legitimləşdirilməsinə xidmət edən təhlükəli siqnal adlandırıb.
ABŞ qanunvericiləri də qərarı tənqid edərək bildiriblər ki, bu addım Rusiyanın lazımi nəticələrlə üzləşmədən dünya idmanına qayıtmasına imkan yaradır.
19:58 09.07.2026
Oxunuş sayı: 59
