Estoniya Baş naziri: Ukraynanın Aİ-yə yolu dərhal açılmalıdır
Estoniyanın Baş naziri Kristen Mixal Avropa İttifaqını Ukraynanın üzvlüyü ilə bağlı bütün danışıq fəsillərini təxirə salmadan açmağa çağırıb.
Crossmedia.az xarici mediaya istinadən xəbər verir ki, Mixal Rusiyanın son illərlə müqayisədə xeyli zəiflədiyini, lakin Ukraynaya münasibətdə məqsədlərinin dəyişmədiyini bildirib.
Onun sözlərinə görə, Rusiyanın mülki obyektlərə son kütləvi hücumları Kremlin hələ də bütün Ukraynanı ələ keçirmək və Avropanı parçalamaq niyyətindən əl çəkmədiyini göstərir.
Estoniya hökumətinin başçısı vurğulayıb ki, müttəfiqlər Rusiyaya təzyiqi artırmalı, Ukraynaya hərbi dəstəyi genişləndirməli və Kiyevin Avropa İttifaqına inteqrasiya prosesini sürətləndirməlidirlər.
Mixal qeyd edib ki, Estoniya hər il ÜDM-in azı 0,25 faizi həcmində Ukraynaya hərbi yardım ayırmaq öhdəliyi götürüb və ötən il bu göstərici 0,35 faizə çatıb.
Baş nazir əlavə edib ki, Ukraynanın Avropa İttifaqına üzvlük danışıqlarının sürətləndirilməsi yalnız Kiyev üçün deyil, həm də Aİ-nin strateji və iqtisadi maraqları baxımından vacibdir.
10:18 04.07.2026
Oxunuş sayı: 55
