Planetdəki 11 ən böyük heyvan
Alimlər Yer planetində yaşayan ən iri canlıları – məməlilərdən və sürünənlərdən tutmuş həşərat və meduzalara qədər – bir araya gətiriblər.
Crossmedia.az xəbər verir ki, bu barədə ˝BBC Wildlife˝ məlumat yayıb.
Araşdırmada qeyd olunur ki, planetdəki 10 ən böyük heyvandan 9-u balinalardır. Onuncu yerdə isə dünyanın ən iri balığı sayılan balina köpəkbalığı yer alır – onun çəkisi təxminən 20 ton təşkil edir.
Dünyanın ən böyük quşu dəvəquşu hesab olunur. Uça bilməyən quşlar arasında ən iri növdür.
Uça bilən quşlar içində isə ən böyük qanad açıqlığına malik olan səyyar albatrosdur – qanadları 3,5 metrə qədər açılır. Ən iri yırtıcı quş isə And kondorudur (Boliiviya, Çili, Kolumbiya və Ekvadorda yaşayır) – qanad açıqlığı 3,2 metr, çəkisi isə 15 kiloqrama qədərdir.
Quruda yaşayan ən ağır heyvanlar fillərdir. Afrika savanna fili ən böyük növ hesab olunur. Rekord ölçülü bir filin boyu 3,96 metr, çəkisi isə 10 400 kiloqram olub. Avropanın ən iri quru məməlisi isə bizondur – çəkisi 1 tona çata bilər.
Dünyanın ən iri sürünəni duzlu su timsahıdır (böyük timsah). Erkəklər 5 metrə qədər böyüyə və 500 kiloqram çəkə bilir. Bəzi qədim timsah növlərinin isə 1,5–2 ton ağırlığa çatdığı ehtimal edilir.
Planetin ən böyük canlısı mavi balinadır. Onun uzunluğu 33 metrə, çəkisi isə 180 tona qədər çata bilər. Hətta dili bir filin çəkisinə bərabərdir.
Həşəratlar arasında rekord Çin nəhəng çubuqvari həşərata məxsusdur – uzunluğu 64 santimetrə qədərdir.
Ən uzun ilan torlu piton, ən ağır ilan isə yaşıl anakonda hesab olunur. Ən böyük hörümçək isə Qolyat tarantulasıdır – ayaq açıqlığı 30 sm-ə çatır.
Ən iri marsupial qırmızı kenquru, ən böyük primat isə şərq qorillasıdır – çəkisi 250 kiloqrama qədərdir.
Ən böyük meduza Nomoura meduzası, ən iri şirin su balığı isə Mekonq çayında tapılan nəhəng skat balığıdır (çəki təxminən 300 kiloqram).
01:04 04.07.2026
Oxunuş sayı: 228
