Qarpız və qavun: Hansı meyvə susuzluğunuzu yatırmaqda daha sağlam və daha yaxşıdır?
Yay mövsümünün ən sevilən meyvələrindən olan qarpız və qovun həm dadı, həm də faydaları ilə diqqət çəkir. Lakin sağlam qidalanma tərəfdarları tez-tez bu sualı verir: hansı daha faydalıdır? Bu mövzunu elmi araşdırmalar da öyrənib.
Crossmedia.az xəbər verir ki,˝Very Well Health˝ nəşrinin məlumatına görə, hər iki meyvə orqanizm üçün olduqca faydalıdır və mühüm mikroelementlərlə zəngindir.
Alimlərin hesablamalarına əsasən, qarpızın tərkibi təxminən 91,4% sudan, qovunun isə 90% sudan ibarətdir. Buna görə də susuzluğu aradan qaldırmaq baxımından qarpız cüzi fərqlə öndədir. Bununla belə, hər iki meyvə orqanizmin su balansını qorumağa kömək edir.
Qovun elektrolitlər baxımından qarpızdan üstün sayılır. Bundan əlavə, tədqiqatlar göstərir ki, qovunda lif miqdarı qarpızdan təxminən iki dəfə çoxdur. Bu isə həzm sisteminin tənzimlənməsinə, qəbizliyin qarşısının alınmasına və qan şəkərinin sabit saxlanmasına kömək edir.
Mütəxəssislərə görə, qovun mədə üçün daha yüngül sayılır və həzm problemi olan insanlar üçün daha rahatdır. Lakin qarpızda da bağırsaq mikroflorasına faydalı polifenollar mövcuddur.
Qarpızın əsas üstünlüklərindən biri onun tərkibində likopin adlı antioksidantın olmasıdır. Bu maddə meyvəyə qırmızı rəng verir və ürək-damar sağlamlığı üçün faydalı hesab olunur. Araşdırmalara görə, likopin qan təzyiqini və “pis” xolesterini azalda bilər.
Qovunun sarı rəngi onun tərkibindəki karotinoidlər sayəsində yaranır. Bu maddələr görmə qabiliyyətini qorumağa və göz xəstəliklərinin qarşısını almağa kömək edir.
02:55 04.07.2026
Oxunuş sayı: 59
