Xarici xəbərlər

İraq neft ixracını artırmaq istəyir

İraq İranla müharibənin yaratdığı iqtisadi təsirlər fonunda neft hasilatı ilə bağlı OPEC çərçivəsində kvotasının əhəmiyyətli dərəcədə artırılmasını tələb edir.

Crossmedia.az xəbər verir ki , bu barədə Reuters agentliyi məlumat yayıb.

Məlumata görə, İraq ciddi maliyyə təzyiqləri ilə üzləşdiyindən daha çox neft hasil edib ixrac etməyə ehtiyac duyur. Bildirilir ki, ölkənin hasilat kvotası nəzərəçarpacaq dərəcədə artırılmasa, Bağdad bütün mümkün variantları nəzərdən keçirə bilər.

Mənbələrin sözlərinə görə, İraq rəsmiləri OPEC-dən çıxmaq ehtimalını da müzakirə ediblər. Bununla belə, hazırkı mərhələdə ölkənin əsas məqsədi təşkilatda qalaraq daha yüksək hasilat kvotasına nail olmaqdır.

İraq hökuməti hesab edir ki, müharibənin yaratdığı iqtisadi çətinliklər və artan maliyyə ehtiyacları şəraitində neft hasilatı və ixracının artırılması ölkə iqtisadiyyatı üçün vacib addımdır.

🖨 Çap et

18:56 25.06.2026

Oxunuş sayı: 52