Mənzil böhranı bərabərsizliklə birbaşa bağlıdır - Emiliya Saiz
Mən düşünmürəm ki, bir böhranı digərindən ayırmaq mümkündür. Məncə, biz onların hamısına birlikdə baxmalıyıq.
Bunu Bakıda keçirilən WUF13 çərçivəsində təşkil olunmuş "Qlobal Mənzil Böhranı: Plan Nədir?" adlı tədbirində Crossmedia.az-a açıqlamasında UCLG-nin (United Cities and Local Governments) baş katibi Emiliya Saiz deyib.
O, əlavə edib ki, mənzil böhranı dünyamızın üzərində qurulduğu davamlı bərabərsizliklərlə sıx bağlıdır:
“Biz çox uzun müddət bərabərsizliyi qəbul etmişik və buna görə də mənzil məsələsi də məhz bu şəkildə formalaşıb — çünki biz bərabərsizliyi qəbul etmişik. Əlbəttə ki, iqlim böhranı da mənzil sahəsindəki çətinlikləri daha da artıran amillərdən biridir.
Bu səbəbdən düşünürəm ki, məsələyə inteqrasiya olunmuş şəkildə yanaşmalı və bütün bu problemləri idarəetmə məsələsi, eyni zamanda ədalət məsələsi kimi həll etməliyik. Lakin şübhəsiz ki, hazırda mənzil məsələsinin gündəlikdə daha yüksək yer tutmasının tərəfdarıyıq.
Eyni zamanda, icmaların mənzilin gələcəyi ilə bağlı qərarlarda söz sahibi olmasını və maliyyələşdirmə mexanizmlərinin dəyişdirilməsini vacib hesab edirik. Yəni problemləri birlikdə həll etməli və insanların gündəlik həyatına birbaşa təsir edən əsas məsələni — başlarının üzərində damının olmasını prioritet etməliyik”.
Ayhan
12:36 19.05.2026
Oxunuş sayı: 65
