Netanyahu İsraildə milli birlik hökumətinin yaradılmasına çağırıb
İsrailin Baş naziri Benyamin Netanyahu ölkənin təhlükəsizliyini qorumaq və İranın nüvə təhdidini aradan qaldırmaq məqsədilə milli birlik hökumətinin yaradılmasını təklif edib.
Crossmedia.az xəbər verir ki, Netanyahu bu barədə açıqlama verib.
O, milli düşərgənin bütün partiyalarını və İsraili qorumaq istəyən sionist partiyaları vahid hökumətdə birləşməyə çağırıb.
“Mən ölkəmizi – yəhudi xalqının yeganə dövlətini qorumaq istəyən bütün milli düşərgə və sionist partiyaların daxil olacağı milli birlik hökumətinin yaradılmasına çağırıram. Belə bir hökumət İranın nüvə təhdidini birdəfəlik aradan qaldıracaq, İsrailin yəhudi dövləti kimi mövcudluğunu qoruyacaq və cəmiyyətimizdə birliyi təmin edəcək”, – deyə Netanyahu bildirib.
22:00 07.11.2026
Oxunuş sayı: 33
