Urbanizasiya müasir dünyanın əsas proseslərindəndir - Türkmənistan rəsmisi
Bu gün şəhərlər sürətlə dəyişən qlobal iqtisadiyyatın əsas mərkəzləridir. Onları formalaşdıran proseslərdən biri urbanizasiyadır.
Crossmedia.az xəbər verir ki, bunu Türkmənistan Prezidentinin yanında Arkadağ şəhərinin Tikinti üzrə Dövlət Komitəsinin sədri Deryageldi Orazov Bakıda Ümumdünya Şəhərsalma Forumunun 13-cü sessiyasının açılış mərasiminə həsr olunmuş mətbuat konfransında deyib.
O, əlavə edib ki, urbanizasiya şəhərləri insanlar, məkan və texnologiyanı birləşdirən mürəkkəb sistemlər kimi tədqiq edir.
O, memarlıq, şəhərsalma, sosiologiya, iqtisadiyyat, ekologiya və coğrafiya kimi sahələrin biliklərini özündə birləşdirir. Ümumilikdə urbanizasiya müasir dünyanın müəyyənedici proseslərindən biridir.
Birləşmiş Millətlər Təşkilatının himayəsi altında keçirilən yüksək səviyyəli Ümumdünya Şəhər Forumu bunun bariz nümunəsidir. Məndən əvvəl çıxış edən bütün liderlər və dövlət başçıları da vurğuladılar ki, urbanizasiya ekoloji yanaşma olmadan, eləcə də qlobal problemlər nəzərə alınmadan mümkün deyil.
Ayhan
17:05 18.05.2026
Oxunuş sayı: 40
