Körfəz ölkələri İranın hücumlarına qarşı beynəlxalq dəstək axtarır
Körfəz ölkələri Körfəz Əməkdaşlıq Şurası vasitəsilə İran tərəfindən Hörmüz boğazında gəmilərə qarşı hücum iddiaları və naviqasiya təhlükəsizliyi ilə bağlı artan gərginliyə cavab olaraq beynəlxalq addım atmağa hazırlaşır.
Crossmedia.az xəbər verir ki, “Əl-Ərəbiyyə” kanalının məlumatına görə, Körfəz dövlətləri beynəlxalq su yollarında naviqasiya azadlığının qorunması və təhlükəsizliyin təmin edilməsi məqsədilə hazırlanmış qətnamə layihəsini yenidən BMT Təhlükəsizlik Şurasına təqdim etməyi planlaşdırır.
Təşəbbüs çərçivəsində Körfəz ölkələri bu dəfə Rusiya və Çin-in veto hüququndan istifadə etməməsinə və qətnaməyə dəstək verməsinə çalışacaq. Sənəddə İran-ın gəmilərə qarşı hücumları dayandırması tələb olunur.
Körfəz Əməkdaşlıq Şurasının rəsmisi bildirib ki, İran-ın ABŞ ilə danışıqlar fonunda Hörmüz boğazını təzyiq vasitəsi kimi istifadə etməsi ciddi strateji səhv hesab olunur.
Bildirilib ki, əvvəllər Körfəz ölkələri Tehranla münasibətlərin normallaşacağına ümid etsə də, son hadisələr regionda etimadın bərpasını çətinləşdirib və tərəflər arasında gərginliyi artırıb.
11:40 18.05.2026
Oxunuş sayı: 36
