BƏƏ-də nüvə stansiyası yaxınlığında dron hücumu olub
Birləşmiş Ərəb Əmirliklərində nüvə obyektinə yaxın ərazidə dron hücumu ilə bağlı insident baş verib.
Crossmedia.az xarici mediaya istinadən xəbər verir ki, Baraka Atom Elektrik Stansiyası yaxınlığında yerləşən elektrik generatorunun dron hücumuna məruz qaldığı bildirilir.
Məlumata görə, hadisə nəticəsində stansiyanın xarici perimetri kənarında yanğın qeydə alınıb. Lakin nüvə obyektinin özünə zərər dəymədiyi və radiasiya səviyyəsinin dəyişmədiyi açıqlanıb.
BƏƏ-nin Nüvə Tənzimlənməsi üzrə Federal Orqanı stansiyanın əsas sistemlərinin normal fəaliyyətini davam etdirdiyini təsdiqləyib.
Dronun mənşəyi və hücumun kim tərəfindən həyata keçirildiyi ilə bağlı məlumat hələ açıqlanmayıb.
23:25 17.05.2026
Oxunuş sayı: 40
