Ukraynanın dron hücumları nəticəsində Rusiyada ölənlər var
Ukraynanın həyata keçirdiyi genişmiqyaslı dron hücumları nəticəsində Rusiyada azı dörd nəfər ölüb.
Crossmedia.az xarici mediaya istinadən xəbər verir ki, ölənlərdən üçü Moskva, biri isə Ukrayna sərhədinə yaxın yerləşən Belqorod bölgəsində qeydə alınıb.
Rusiya Müdafiə Nazirliyi son 24 saat ərzində ölkə ərazisində 1000-dən çox Ukrayna pilotsuz uçuş aparatının vurulduğunu açıqlayıb. Bildirilir ki, bu, son bir ildən çox müddətdə Moskvaya qarşı həyata keçirilən ən iri dron hücumlarından biridir.
Ukrayna prezidenti Volodimir Zelenski isə hücumları təsdiqləyərək bildirib ki, Ukraynanın addımları Rusiyanın müharibəni davam etdirməsinə cavab xarakteri daşıyır.
V. Zelenski qeyd edib ki, Ukrayna qüvvələri Moskva ətrafındakı güclü hava hücumundan müdafiə sistemlərinə baxmayaraq, sərhəddən 500 kilometrdən uzaq hədəfləri vurmağa qadirdir.
Ukrayna Baş Qərargahı, həmçinin Moskva yaxınlığında yüksək dəqiqlikli silah istehsalı ilə məşğul olan müəssisədə yanğın baş verdiyini iddia edib. Bundan başqa, Donetsk vilayətinin Rusiyanın nəzarətində olan hissəsində pilotsuz uçuş aparatlarının idarəetmə məntəqəsinin vurulduğu bildirilib.
22:15 17.05.2026
Oxunuş sayı: 41
