Avropadan Ukraynaya şok qərar — Milyardlıq itki təhlükəsi var
Avropa İttifaqının Ukraynadan polad idxalını iki dəfə azaltmaq planı ölkəyə ciddi iqtisadi zərbə vura bilər.
Crossmedia.az xəbər verir ki, “Financial Times” nəşrinin yazdığına görə, iyulun 1-dən etibarən Brüssel polad idxalı kvotasını 47% azaldacaq və müəyyən olunmuş limitdən artıq tədarüklərə 50%-lik gömrük rüsumu tətbiq edəcək.
Qərar dünya üzrə polad istehsal güclərinin artması və idxalın kəskin yüksəlməsi fonunda qəbul edilib. Bildirilir ki, Avropa metallurgiya zavodları minlərlə iş yerini itirib və hazırda aşağı istehsal gücü ilə fəaliyyət göstərir.
Ukraynalı rəsmilər və polad istehsalçıları isə xəbərdarlıq ediblər ki, ixracın 70%-ə qədər azalması ölkəyə təxminən 1 milyard avro həcmində zərər vura bilər.
12:15 17.05.2026
Oxunuş sayı: 57
