ABŞ: İranın dəniz blokadası qlobal daşımaları dəyişdirdi
ABŞ rəsmilərinin açıqlamasına görə, İran ətrafında yaranan gərginlik və dəniz blokadasının başlanmasından sonra ən azı 78 yük və ticarət gəmisi marşrutunu dəyişmək məcburiyyətində qalıb.
Crossmedia.az xəbər verir ki, bölgədə təhlükəsizlik risklərinin artması beynəlxalq dəniz daşımalarına ciddi təsir göstərib. Bildirilir ki, bir sıra gəmi şirkətləri mümkün təhlükələrin qarşısını almaq məqsədilə alternativ marşrutlara üstünlük verir.
Məlumata əsasən, vəziyyət xüsusilə enerji və yük daşımalarında gecikmələrə, həmçinin logistika xərclərinin artmasına səbəb ola bilər. ABŞ tərəfi bölgədə vəziyyəti yaxından izlədiyini açıqlayıb.
10:18 17.05.2026
Oxunuş sayı: 53
