Xarici xəbərlər

KİV: FİFA İranın Dünya Kubokunda iştirakını müzakirə edir

FİFA-nın baş katibi Matthias Graphstrom şənbə günü İstanbulda İran Futbol Federasiyasının rəsmiləri ilə görüşərək İran milli komandasının Dünya Kubokunda iştirak məsələsini müzakirə edəcək.

Crossmedia.az "Reuters"-ə istinadən xəbər verir.

Məlumata görə, İran yığmasının qrup mərhələsində keçirəcəyi hər üç oyunun ABŞ-də oynanması planlaşdırılır. Ancaq mart ayında ABŞ və İsrailin İrana qarşı hücumlarından sonra İranın turnirdə iştirakı sual altına düşüb.

FİFA nümayəndələrinin görüş zamanı İran tərəfinə iştirakla bağlı mövcud vəziyyəti izah etməsi və narahatlıqları aradan qaldırmağa yönəlmiş mesajlar verməsi gözlənilir.

Bundan əvvəl İran Futbol Federasiyasının rəhbəri Mehdi Tac milli komandanın Dünya Kubokunda iştirakının qəti olduğunu bildirmiş və turnirə qatılmaq üçün müəyyən şərtlər irəli sürmüşdü.

🖨 Çap et

19:11 16.05.2026

Oxunuş sayı: 33