Rusiya Ermənistana “Ukrayna ssenarisi” xəbərdarlığı etdi
Rusiya Dövlət Dumasının sədri Vyaçeslav Volodin Ermənistanla bağlı sərt açıqlama verib.
Crossmedia.az xarici mediaya istinadən xəbər verir ki, Volodin Ermənistan Baş naziri Nikol Paşinyanın siyasətinin ölkə cəmiyyətində parçalanma yaratdığını bildirib və vəziyyəti Ukraynada baş verən proseslərlə müqayisə edib.
O qeyd edib ki, Ermənistanda tarixi və milli dəyərlərin zəiflədilməsi cəhdləri müşahidə olunur, Qərbin liberal dəyərlərinin tətbiqi və kilsəyə qarşı təzyiqlər cəmiyyətdə gərginliyi artırır.
“Bütün bunlar cəmiyyətdə parçalanmaya səbəb olur və bu, Ermənistan üçün ən böyük itkilərdən biri ola bilər — birliyin itirilməsi. Bir çox ölkələrdə problemlər məhz buradan başlayıb. Burada istər-istəməz Ukrayna və 2014-cü il hadisələri ilə paralellər yada düşür”, – deyə Volodin bildirib.
16:35 16.05.2026
Oxunuş sayı: 215
