Ermənistan Aİİ-dən çıxır? - İrəvandan sensasion AÇIQLAMA
Ermənistan hökuməti ölkənin gələcəkdə Avrasiya İqtisadi İttifaqından (Aİİ) çıxmaq imkanını qəbul edib.
Crossmedia.az xəbər verir ki, bu barədə Ermənistan baş nazirinin müavini Mher Qriqoryan TASS-a müsahibəsində danışıb.
Qriqoryan bildirib ki, Ermənistan eyni vaxtda həm Avropa İttifaqı, həm də Aİİ çərçivəsində tam inteqrasiya modelində iştirakın mümkün olmadığını anlayır. Onun sözlərinə görə, belə bir zərurət yaranarsa, yekun qərarı Ermənistan vətəndaşları verəcək.
Bununla yanaşı, baş nazirin müavini vurğulayıb ki, Ermənistan hazırda Aİİ-nin tamhüquqlu üzvü olaraq qalır və təşkilat daxilində bütün müzakirə və qərarqəbuletmə proseslərində fəal iştirak edir.
Qeyd edək ki, daha əvvəl Rusiya prezidenti Vladimir Putin İrəvanın Avropa Birliyi ilə Aİİ arasında seçim etməsinin vacibliyini vurğulamışdı. Putin bildirmişdi ki, Ermənistan qərarını tez verərsə, tərəflər arasında “ağıllı boşanma” mümkün ola bilər.
11:51 16.05.2026
Oxunuş sayı: 35
