“Moody’s” endirim etdi: Fransanın kredit reytinqi aşağı düşdü
Reytinq agentliyi “Moody’s” şənbə günü Fransanın kredit reytinqini “Aa3” səviyyəsinə endirib və sabit proqnozla qiymətləndirib.
Crossmedia.az bu barədə France24-də istinadən xəbər verir ki, bu qərar, aylardır davam edən siyasi böhran və Fransua Bayrunun baş nazir təyin olunmasından sonra verilib.
“Moody’s”in açıqlamasında siyasi parçalanmanın ölkənin dövlət maliyyəsinə mənfi təsir göstərdiyi və böyük büdcə kəsirlərini azaltmaq üçün tədbirlərin məhdudlaşacağı bildirilib.
Bayru, bu il Fransanın dördüncü baş naziri olaraq, bölünmüş parlamentdə etimadsızlıq sınağından keçə biləcək kabinet qurmaq və iqtisadi gərginliyi azaltmaq üçün 2025-ci il büdcəsini hazırlamaq vəzifəsi ilə üzləşir.
Qeyd edək ki, “Moody’s” oktyabr ayında ölkənin reytinqi üzrə mənfi proqnoz vermişdi.
Gültac Mehdizadə
08:48 14.12.2024
Oxunuş sayı: 16435
