Diaspor

Qırmızı Qəsəbənin 290 illiyi münasibətilə poçt markaları hazırlandı

Qubadakı Qırmızı Qəsəbənin 290 illiyi münasibətilə Amsterdamda poçt markaları çap edilib.

Crossmedia.az xəbər verir ki, bu barədə Diasporla İş üzrə Dövlət Komitəsi məlumat yayıb.

Amsterdamda yaşayan xoreoqraf Səltənət Rəvanqızının təşəbbüsü ilə buraxılan markanın üzərində Altı günbəz sinaqoqunun təsviri əks olunub.

Səltənət Rəvanqızı, Qubadakı Qırmızı Qəsəbəni tolerantlıq və multikulturalizmə hörmət modeli adlandırıb. Bildirib ki, Qırmızı Qəsəbə İsraildən kənarda dünyanın ən böyük kompakt yəhudi məskənlərindən biridir. Bu, Azərbaycan xalqının etnik və dini azlıqlara, müxtəlif mədəniyyətlərə qarşı tolerantlığının əyani nümayişidir.

Poçt markalarının buraxılmasında məqsəd niderlandlıları Azərbaycanın qədim tarixi ilə tanış etmək, Qubada Qırmızı Qəsəbənin yaradılmasının 290 illiyinə diqqət çəkməkdir.

Qeyd edək ki, Amsterdamda "Azərbaycan inciləri" layihəsi çərçivəsində "Nizami Gəncəvi-880", "Heydər Əliyev", "Xarı bülbül", "Rəşid Behbudov", "Əminə Dilbazi", "Cövdət Hacıyev", "Kəlbəcərdə həlak olan jurnalistlər Məhərrəm İbrahimov və Sirac Abışov" adlı markalar çapdan çıxıb.