Zelenskidən çağırış: Rusiyaya təsir göstərin, sülhə məcbur edin
Ukrayna Prezidenti Volodimir Zelenski ABŞ və Çinin Rusiyaya təsir göstərərək Moskvanı münaqişənin sülh yolu ilə həllinə hazır olmağa sövq edə biləcəyini bildirib.
Crossmedia.az bu barədə xarici mediaya istinadən xəbər verir.
Zelenski Ukraynanın sülh istədiyini, müharibənin uzadılması və insanlara mümkün qədər böyük zərər vurulması üçün isə Rusiyanın əlindən gələni etdiyini iddia edib.
Onun sözlərinə görə, Kiyev məzmunlu danışıqlar formatlarında iştirak etməyə hazırdır, lakin Rusiya buna hazır deyil. Zelenski problemin məhz Rusiya Prezidenti Vladimir Putinin danışıqlara hazır olmamasından qaynaqlandığını deyib.
Ukrayna lideri qeyd edib ki, danışıqlar prosesinin irəliləməsinə dünyanın heç bir nüfuzlu paytaxtında maneə yaradılmamalıdır.
“Əgər Moskva sülh istəmirsə, Vaşinqton və Pekin onun bunu istəməsinə nail ola bilər”, – Zelenski bildirib.
O, həmçinin Avropa ölkələrinin təhlükəsizlik və siyasət sahəsində rolunun gücləndirilməsini Kiyevin avropalı tərəfdaşları ilə əməkdaşlığının əsas prioritetlərindən biri adlandırıb.
21:08 03.08.2026
Oxunuş sayı: 52
