İranda Ali Liderin seçilməsi ilə bağlı iclasın proseduru müzakirə olunub
İranda Müvəqqəti İdarəetmə Şurası ölkənin yeni Ali Liderini seçəcək Ekspertlər Şurasının iclasının keçirilməsi prosedurunu müzakirə etmək üçün toplantı keçirib.
Crossmedia.az bu barədə xarici mediaya istinadən xəbər verir ki, görüş zamanı iclasın təşkilati məsələləri, gündəliyi və səsvermə qaydaları ilə bağlı əsas məqamlar nəzərdən keçirilib. Məqsəd Ali Liderin seçilməsi prosesinin müəyyən edilmiş qaydalar çərçivəsində həyata keçirilməsini təmin etməkdir.
Qeyd edək ki, İran Ekspertlər Şurası ölkənin ali dini liderini seçmək və ona nəzarət etmək səlahiyyətinə malik əsas qurumlardan biridir. Şuranın qərarı ilə İranın növbəti Ali Lideri müəyyənləşdiriləcək.
Hazırda ölkədə siyasi proseslərlə bağlı müzakirələrin davam etdiyi bildirilir.
15:58 06.03.2026
Oxunuş sayı: 609
