Xameneiyə qarşı sui-qəsd planı müzakirə olunub
İsrailin müdafiə naziri İsrael Katz İranın keçmiş ali lideri Əli Xameneiyə qarşı mümkün sui-qəsd planları barədə danışıb.
Crossmedia.az xəbər verir ki, bu barədə "Reuters" məlumat yayıb.
Nazirin sözlərinə görə, ötən ilin noyabrında İsrailin baş naziri Benyamin Netanyahu Xamenei rejimini zəiflətmək məqsədi qoymuşdu. Daha sonra İsrail Müdafiə Qüvvələri və Mossad ilə aparılan məsləhətləşmələrdən sonra mümkün əməliyyat üçün son tarix ilin ortalarına müəyyən edilib.
Katz bildirib ki, bu qərar əldə edilən kəşfiyyat məlumatları və 2025-ci ilin yayında həyata keçirilmiş “Am Calavi” əməliyyatının nəticələrinə əsaslanıb. Onun sözlərinə görə, həmin əməliyyat zamanı İranın nüvə və raket proqramlarının fəaliyyətinə ciddi zərbə vurulub.
Nazir əlavə edib ki, əsas məqsəd İranın bu imkanları yenidən bərpa edə bilməyəcəyinə əmin olmaq idi.
Katz həmçinin qeyd edib ki, İsrailin baş naziri ilə ABŞ prezidenti arasında məsələ ilə bağlı bir sıra danışıqlar və görüşlər keçirilib. Onun sözlərinə görə, həmin dövrdə İranda baş verən etirazlar və regiondakı gərginlik fonunda Tehranın İsrailə və bölgədəki Amerika qüvvələrinə qarşı qabaqlayıcı zərbə endirə biləcəyi ilə bağlı ciddi narahatlıqlar mövcud idi.
11:45 06.03.2026
Oxunuş sayı: 495
