Nazir müavini: Zəngilan, Cəbrayıl, Ağdam və Füzuli rayonlarında 132 hektar yeni yaşıllıq sahəsi salınıb
İşğaldan azad edilmiş rayonların ərazi planlaşdırma sənədlərinə uyğun olaraq Zəngilan, Cəbrayıl, Ağdam və Füzuli rayonları ərazisində ümumilikdə 132 hektar yeni yaşıllıq sahəsi salınıb.
Crossmedia.az xəbər verir ki, bu sözləri ekologiya və təbii sərvətlər nazirinin müavini Vüqar Kərimov deyib.
O bildirib ki, meşə fondu ərazilərinin minalardan və partlamamış hərbi sursatlardan təmizlənməsi planları nəzərə alınmaqla, Cəbrayıl, Zəngilan, Qubadlı və Füzuli rayonları ərazisində ümumilikdə 286 hektar meşə fondu sahəsində əkin və səpin işləri icra olunub: "2025-ci ilin payız əkin mövsümündə 240 hektar meşə fondu sahəsində əkin və səpin işlərinin aparılması nəzərdə tutulur. Hazırda ərazilərdə torpaq hazırlığı işləri davam etdirilir".(Apa)
13:53 24.09.2025
Oxunuş sayı: 1140
