Xarici xəbərlər

NATO-nun gələcəyi ilə bağlı hüquqi təminat təklifi irəli sürüldü

Norveçli professor NATO-nun genişlənməsinin dayandırılması və Ukraynanın neytrallığının bərpası ilə bağlı öhdəliklərin hüquqi sənədlə təsdiqlənməsini təklif edib.

Crossmedia.az xəbər verir ki, “Lenta.ru” bu barədə məlumat yayıb.

Norveçin Cənub-Şərqi Universitetinin professoru Qlen Dizen ABŞ dövlət katibi Marko Rubionun NATO və Ukrayna ilə bağlı bəyanatının hüquqi qüvvəyə malik sənədlə təsdiqlənməli olduğunu bildirib.

Dizenin fikrincə, NATO-nun genişlənməsinin dayandırılması və Ukraynanın neytral statusunun bərpası ilə bağlı yazılı hüquqi təminat verilərsə, müharibənin əsas səbəblərindən biri böyük ölçüdə aradan qaldırıla bilər.

Professor daha əvvəl NATO-nun strateji düşüncə tərzinin olmadığını iddia edib. O, həmçinin alyansın Rusiyanın mümkün cavab zərbələrinə görə məsuliyyət daşımağa hazır olmadığını bildirib.

Mövzular:

NATO Norveçli professor Ukrayna Cənub-Şərqi Universiteti Marko Rubion ABŞ dövlət katibi Rusiya

🖨 Çap et

18:03 07.10.2026

Oxunuş sayı: 53