Rusiyalı deputat: Macarıstan Ukrayna məsələsində mövqeyini dəyişir
Rusiya Dövlət Dumasının deputatı Viktor Zavarzin Macarıstanın Ukrayna və Moldovanın Avropa İttifaqına üzvlük danışıqlarına qoyduğu vetonu götürməsini Budapeştin mövqeyində dəyişkənlik kimi qiymətləndirib.
Crossmedia.az xəbər verir ki, “Lenta.ru” bu barədə məlumat yayıb.
Zavarzinin sözlərinə görə, Macarıstanın yeni hökuməti Aİ daxilində mövqelərini gücləndirməyə çalışır və bu səbəbdən müxtəlif addımlar atır. Deputat bildirib ki, Rusiya Macarıstanla münasibətləri, o cümlədən yanacaq tədarükü məsələsində əməkdaşlığı diqqətlə izləyir.
O qeyd edib ki, Macarıstan Rusiya ilə əməkdaşlıqdan imtina edəcəyi təqdirdə öz siyasi yolunu seçməli olacaq.
Zavarzin əlavə edib ki, Macarıstanın keçmiş baş naziri Viktor Orban hazırda müxalifətdədir və ölkədə baş verənləri tənqid edir. Onun sözlərinə görə, Rusiya hadisələrin inkişafını izləməkdə davam edir və gələcək addımlarını öz maraqlarına uyğun müəyyənləşdirəcək.
Qeyd edək ki, Macarıstan Ukrayna və Moldovanın Aİ-yə üzvlüyü ilə bağlı danışıqların texniki mərhələsinə qoyduğu vetonu aradan qaldırıb. Bununla da Aİ-də danışıqların keçirilməsinin razılaşdırılması üçün imkan yaranıb. Tərəflərin gələn həftə ümumi mövqelər layihəsini təsdiqləməsi planlaşdırılır.
19:21 07.10.2026
Oxunuş sayı: 67
