Rusiyadan qaçaraq Ermənistan konsulluğunda gizlənən Boris Avakyan ölü tapıldı
Məhkəmədən qaçaraq Sankt-Peterburqdakı Ermənistan konsulluğunda gizlənən Rosimuçestvonun sabiq məmuru Boris Avakyan ölü halda aşkarlanıb. Onun meyiti diplomatik nümayəndəliyin tualetində tapılıb. İlkin ehtimallara görə, Avakyan intihar edib.
Crossmedia.az xəbər verir ki, bu barədə Rusiya mediası məlumat yayıb.
Məlumata görə, Avakyan 4,2 milyard rubl məbləğində gömrük ödənişlərindən yayınmaqda ittiham olunurdu.
O, avqust ayında Ukraynada müharibədə iştirak üçün müqavilə imzalayıb və bu səbəbdən barəsində aparılan cinayət işi dayandırılmışdı. Lakin sentyabrın 23-də onun müqaviləsinin ləğv edilməsi ilə bağlı məhkəməyə müraciət daxil olub və işin yenidən bərpa olunması gündəmə gətirilib.
Nihat Tahirov
11:20 24.09.2025
Oxunuş sayı: 3458
