İsrail Trampın avtomobilini dinləyib? ABŞ mediasından səs-küylü iddia
ABŞ mətbuatında yayılan xəbərlərə görə, sabiq prezident Donald Trampın gizli xidmətə məxsus xüsusi avtomobillərinə İsrail rəsmiləri tərəfindən elektron dinləmə cihazları quraşdırılıb.
Crossmedia.az "CNN"ə istinadən xəbər verir ki, Tramp dövründə gizli xidmət əməkdaşları iki ayrı hadisədə İsrail hökumətinə bağlı şəxslərin prezidentin istifadə etdiyi təcili yardım avtomobillərinə elektron cihaz yerləşdirdiyini aşkar edib.
ABŞ prezidentinə yaxın mənbənin bildirdiyinə görə, Tramp bu məsələ ilə bağlı səssiz qalmağı seçib, çünki o, İsrailin baş naziri Binyamin Netanyahunun qəzəbindən çəkinib. Mənbənin sözlərinə görə, “Tramp Netanyahu’nun qəzəbindən qorxurdu.”
Ekspertlər hesab edir ki, bu iddialar ABŞ–İsrail münasibətlərində böhran yarada biləcək xarakter daşıyır. Vaşinqtonda isə artıq “müttəfiqlik” anlayışının zədələnməsi ilə bağlı müzakirələrin başladığı bildirilir.
19:10 13.09.2025
Oxunuş sayı: 5274
