HƏMAS: “İsrail vəhşilikdə nasistləri də geridə qoyub”
HƏMAS İsrail ordusunun Qəzzə şəhərini işğal planı çərçivəsində həyata keçirdiyi hücumlara sərt reaksiya verib. Hərəkatın açıqlamasında bildirilib ki, çoxmərtəbəli binalar, məktəblər və digər mülki infrastruktur hədəfə alınır, bunun isə təxminən 1 milyon insanın həyatı üçün ciddi təhlükə yaratdığı vurğulanıb.
Crossmedia.az "CNN"ə istinadən xəbər verir ki, rəsmi bəyanatda qeyd olunub: "İsrail ordusunun şəhərin qərbində məcburi köçkünlərin sığındığı məktəb və yaşayış məntəqələrinə hücumları “vəhşilikdə nasistləri də geridə qoyur”.
HƏMAS “müharibə cinayətkarı Netanyahunun hökuməti”nin Qəzzədə bir milyondan çox insana qarşı həyata keçirdiyi hücumlarla beynəlxalq hüququ açıq şəkildə tapdaladığına diqqət çəkib.
Təşkilat beynəlxalq ictimaiyyəti, eləcə də ərəb və islam ölkələrini “insani dəyərləri və hüquq sistemini qorumaq üçün təcili addımlar atmağa, müharibə cinayətkarlarına dəstək verən və İsraili məsuliyyətdən yayındıran ABŞ siyasətini rədd etməyə” çağırıb.
Xatırladaq ki, İsrail Təhlükəsizlik Kabineti 8 avqustda Qəzzə şəhərinin işğalı planına yaşıl işıq yandırmış, ordu isə 11 avqustda Zeytun məhəlləsindən hücumlara başlamışdı.
19:02 13.09.2025
Oxunuş sayı: 4752
