İranın Vyanadakı nümayəndəsi AEBA ilə mühüm danışıqlar aparıb
İran İslam Respublikasının Vyanada yerləşən beynəlxalq təşkilatlardakı daimi nümayəndəsi və səfiri Rza Nəcəfi İran nümayəndə heyətinin Atom Enerjisi üzrə Beynəlxalq Agentlik (AEBA) ilə danışıqlarını davam etdirdiyini bildirib.
Crossmedia.az xəbər verir ki, onun sözlərinə görə, bu məsləhətləşmələr iki tərəf arasında əməkdaşlıq çərçivəsini yeni şəraitdə yenidən müəyyən etmək məqsədi daşıyır. Səfir əlavə edib ki, danışıqlar nəticəsində İran və AEBA arasında yeni əməkdaşlıq forması müəyyən ediləcək.
Xəbərin dərcindən bir neçə saat öncə "The Wall Street Journal" nəşrinin müxbiri Laurens Norman da İran nümayəndə heyətinin danışıqları davam etdirmək üçün yenidən Vyanaya qayıdacağını vurğulayıb.
12:17 08.09.2025
Oxunuş sayı: 944
