ABŞ bir sıra hərbi yardım proqramlarını dayandırmağa qərar verib
ABŞ Rusiya ilə həmsərhəd olan Avropa ölkələri üçün bir sıra hərbi yardım proqramlarını dayandırmağa qərar verib. Pentaqon öz müttəfiqlərinə məlumat verib ki, ABŞ bundan sonra Estoniya, Latviya və Litva ordularının təlim və təchizatını maliyyələşdirməyəcək.
Crossmedia.az "Politico" nəşrinə istinadən xəbər verir.
Söhbət 2018-ci ildən 2022-ci ilə qədər regiona 1,6 milyard dolların göndərildiyi proqrama aiddir.
Bununla belə, iri silahların alınmasına imkan verən Xarici Hərbi Maliyyələşdirmə proqramı qalacaq.
Lakin bu silahları Baltik ölkələri öz pullarına almalıdırlar. Qərar ABŞ prezidenti Donald Trampın tapşırığına əsasən Pentaqonun müşaviri Elbridge Colbinin seçdiyi kursla əlaqədardır. ABŞ resurslarını Hind-Sakit okean regionunun xeyrinə bölüşdürməyə və Çini nəzarət altına almağa çalışır.
14:21 06.09.2025
Oxunuş sayı: 5824
