İsrail XİN: Pilotların etirafları yayımlanarkən diqqətli olun…
İsrail Xarici İşlər Nazirliyi Qəzvin şəhərinin İran parlamentindəki təmsilçisi Fatimə Məhəmmədbəyginin açıqlamasına cavab verib.
Crossmedia.az xəbər verir ki, nazirlik X sosial media hesabında farsca paylaşım edərək yazıb: “Sadəcə diqqətli olun ki, əsir götürülmüş İsrail pilotunun etirafları yayımlanarkən elektrik enerjisi kəsilməsin”.
Fatimə Məhəmmədbəygi dünən İran dövlət televiziyasına verdiyi müsahibədə İsrail F-35 pilotlarının əsir alındığını və onların etiraflarının tezliklə yayımlanacağını bildirib. (Independent Farsi)
Xatırladaq ki, 12 günlük İran–İsrail müharibəsindən sonra İran mediası dəfələrlə İsrailə məxsus F-35 təyyarəsinin vurulduğunu və iki pilotun əsir götürüldüyünü iddia edib. Lakin İsrail ordusu bu iddiaları qəti şəkildə təkzib edir.
09:44 06.09.2025
Oxunuş sayı: 778
