İran XİN rəhbəri Aİ-nin ali nümayəndəsi ilə görüşüb
Avropa İttifaqının xarici siyasət və təhlükəsizlik məsələləri üzrə ali nümayəndəsi Kaya Kallas Qətərin paytaxtı Dohada İranın xarici işlər naziri Abbas Əraqçı ilə gözlənilməz görüş keçirib. Görüşdə əsas diqqət İranın nüvə proqramına və bu sahədəki beynəlxalq əməkdaşlığa yönəlib.
Crossmedia.az-ın məlumatına görə, tərəflər arasında aparılan danışıqların əsas mövzuları Atom Enerjisi üzrə Beynəlxalq Agentliyin (AEBA) müfəttişlərinin İranın nüvə obyektlərinə çıxışı və İranın zənginləşdirilmiş uran ehtiyatlarının mövcud vəziyyəti olub.
Kaya Kallas görüş zamanı İranı Nüvə Silahlarının Yayılmaması Müqaviləsi (NPT) çərçivəsində öz üzərinə götürdüyü öhdəliklərə riayət etməyə çağırıb. Bu çağırış Avropa ölkələrinin BMT Təhlükəsizlik Şurasına ünvanladığı və İrana qarşı sanksiyaların yenidən bərpasını tələb edən məktubla eyni vaxta təsadüf edir.
23:13 05.09.2025
Oxunuş sayı: 804
