Azərbaycanda vaxtı keçmiş kreditlərin həcmi artıb – Vətəndaşların və sahibkarların gəlirləri azalıb
2025-ci ilin avqust ayının 1-nə Azərbaycanda vaxtı keçmiş kreditlərin məbləği 529,4 milyon manat təşkil edib. Aylıq müqayisədə bu göstərici 0,4% və ya 2 milyon manat artıb, ilin əvvəli ilə müqayisədə isə 17,9% və ya 80,3 milyon manat çoxalıb. İllik müqayisədə isə vaxtı keçmiş kreditlərin həcmi 17% və ya 75,7 milyon manat artaraq, ölkədə maliyyə vəziyyətinə dair narahatlıqların artmasına səbəb olub.
Crossmedia.az xəbər verir ki, məsələyə münasibət bildirən iqtisadçı Əkrəm Həsənovun sözlərinə görə, problemli kreditlərin artmasının əsas səbəbi vətəndaşların və sahibkarların gəlirlərinin azalmasıdır:
“Bu iki istiqamətdə özünü göstərir: bəziləri iş yerlərini itirir və maaşlarını itirirlər, digərlərinin isə maaşı eyni qalmasına baxmayaraq xərclərin artması səbəbindən kreditlərini ödəyə bilmirlər”.
Ə.Həsənov vurğulayıb ki, bu, ölkədə sosial-iqtisadi vəziyyətin pisləşməsi ilə bağlıdır. O həmçinin qeyd edib ki, Azərbaycanda adambaşına düşən ümumdaxili məhsul göstəricisində Gürcüstan və Ermənistandan geri qalır və vəziyyəti yaxşılaşdırmaq üçün iqtisadi vəziyyətin düzəldilməsi vacibdir.
Niyaz Haciyev
13:02 01.09.2025
Oxunuş sayı: 982
